Tolosako Udalak 2025eko egutegiaren aurkezpena egin du gaur eguerdian, egutegiaren argazki-lehiaketako irabazleen lanak aitortuz. Lehiaketaren irabazlea Lur Zaldua Aristi izan da, Aldaba Txikin ateratako Bizitzaren aldapak argazkiarekin. Irudi hori izango da 2025eko egutegiaren azaleko irudia.
Egutegiko hilabete bakoitza irabazle baten lanarekin apainduta egongo da. Hauek dira aukeratutako argazkiak eta egileen izenak:
- Urtarrila: Javier Zabala Acosta – Nire amona zaintzen
- Otsaila: Miren Amorrortu Fernandez – Osasunean eta gaixotasunean
- Martxoa: Ana Eizmendi Peñagarikano – Katutxoa
- Apirila: Maider Gaztelumendi Garaikoetxea – Zaintza, elkar zaintza
- Maiatza: Paula Bonilla Zagala – Gure sustraiak
- Ekaina: Arantxa Aranburu Arakama – Zaintza sarea
- Uztaila: Fernando Pradini – Birziklatzen
- Abuztua: Llívià Escola Hernandez – Ama
- Iraila: Mikel Sagasti Esteban – Tolosa begira
- Urria: Ana Pradini – Babestu
- Azaroa: Iñigo Goñi Labayen – Zaintzarik xamurrena
- Abendua: Juanan Dorronsoro Ugartemendia – Elkar zaintzen
Egutegiaren banaketa azaroaren 26, 27 eta 28an egingo dute, asteartetik ostegunera, Zerkausian, 09:30etik 12:30era. Tolosarrek bertan jaso ahal izango dute euren alea. Egun horien ondoren soberan geratzen diren aleak kultur etxean eta musika eskolan utziko dira. Datorren urteko Tolosanklisk lehiaketarako gaia ere zehaztu dute: Belaunaldiak.