Aurten ere, Gure Kaiola elkarteko kideek antolatu dute Tolosako Babarrunaren Lehiaketa Gastronomikoa eta jada ireki dute bertan parte hartzeko izen ematea. Lehiaketa San Frantzisko pasealekuan egingo dute eta gehienez 22 bikotek hartu ahal dute parte. Parte hartzaileek San Frantziskon bertan kozinatu beharko dituzte babarrunak. Aurtengoan Zumaiako Joxe Mari Aramendiren babarrunak prestatu beharko dituzte, iaz ekoizle lehiaketan txapeldun izan baitzen. Aurten, berrikuntza modura, lehen emakume sukaldariari ere sari berezia emango diote lehiaketan emakumeen parte hartzea sustatu asmoz.
Izen ematea whatsappez edo mezu bitartez egin daiteke 605 426 533 zenbakian edo gurekaiola@hotmail.com helbide elektronikoan abenduaren 3a bitarte.