Langile batzordeak salatu duenez, iragan urriaren 25ean lurreamendi egoitzako langile batek «eraso fisiko» bat jasan zuen egoiliar baten bisita baten eskutik. Bada, egoitzako langileek eraso hori «tinko eta ozenki» gaitzetsi dute, eta ingurune «seguru» batean lan egiteko eskubidea aldarrikatu dute.
Era berean, langile batzordeak adierazi du ez daudela ados Kabia, egoitza horren mendeko erakunde autonomoa, gertakari «larri» hori kudeatzeko moduarekin. «Langilea Zu eta Biok enpresakoa izanik, Kabiak azpi kontratatutako enpresa, bi enpresei langileen segurtasuna zaintzeko berehalako neurriak har ditzaten eskatzen diegu».