Kutxaren Sari Nagusia jaso du Jurgis Cabulis letoniarrak zuzendutako Mixed Choir Of Riga Cathedral Choir School abesbatzak. Gauzak honela, 2025eko urriaren 26an Tolosan ospatuko den Abesbatza Kantuaren Europar Sari Nagusirako txartela eskuratu dute. Horrez gain, Eusko Jaularitzaren Saria jaso du, David Azurzaren Dantzantik izeneko abestiarekin. Ganbera abesbatzen polifonia mailako lehen saria ere lortu du, folklore alorrekoarekin batera, baita Entzulegoaren Saria ere. Aurtengo edizioak irabazle argia utzi du eta abesbatza zaleak pozik txalotu dute epaimahaiaren erabakia.
Polifonia eta folklore modalitateko bigarren saritua Suediako Storkyrkans Chamber Choir abesbatza izan da, eta hirugarrena, berriz, Frantziako Mikrokosmos abesbatza.
Ahots gazteak
Gaurko ekitaldian haur abesbatzen sariak ere banatu dituzte, eta irabazlea Indonesiako The Resonanz abesbatza izan da. Bigarren saria Koreako Word Vision abesbatzak eraman du, eta hirugarrena, berriz, Letoniako Lielvarde abesbatzarentzat izan da.
SARIDUNAK
- Helduak
- Euskal abesti baten interpretazio onena
- Mixed Choir Of Riga Cathedral Choir School (Letonia), Dantzantik (David Azurza) abestiarengatik.
- Ganbera abesbatzak, polifonia
- Lehen saria. Mixed Choir Of Riga Cathedral Choir School (Letonia).
- Bigarren saria. Storkyrkans Chamber Choir (Suedia).
- Hirugarren saria. Mikrokosmos (Frantzia).
- Ganbera abesbatzak, folklorea
- Lehen saria. Mixed Choir Of Riga Cathedral Choir School (Letonia).
- Bigarren saria. Storkyrkans Chamber Choir (Suedia).
- Hirugarren saria. Mikrokosmos (Frantzia).
- Kutxaren Sari Nagusia eta Abesbatza Kantuaren Europar Sari Nagusirako izendapena
- Mixed Choir Of Riga Cathedral Choir School (Letonia).
- Entzulegoaren Saria
- Mixed Choir Of Riga Cathedral Choir School (Letonia).
- Euskal abesti baten interpretazio onena
- Haurrak
- Lehen saria. The Resonanz Children's Choir (Indonesia).
- Bigarren saria. World Vision Korea Children's Choir (Korea).
- Hirugarren saria. Children's Choir Lielvarde (Letonia).