Guztira Alpino Uzturre elkarteko sei kide izan ziren larunbatean Iruñean, Antoniutti parkean jokoan izan zen Euskal Herriko Roller Eski Txapelketan. Euriari eta hotzari aurre egin behar izan zioten kirolariek. Alpino Uzturreko hiruk urrezko domina lortu zuten: Libe Currasek 14 urte azpikoan, June Aranburuk 16 urte azpikoan, eta Hodei Juaristik 20 urte azpikoan. Bere aldetik, Inge Arinek hirugarren postua lortu zuen 16 urtez azpikoan, Magali Lekue bosgarren izan zen absolutu mailan, eta Harkaitz Lavegak 11. postua lortu zuen absolutu mailan.
June Aranburu, probaren une batean. ALPINO UZTURRE