Atzo abiatu zituzten auzoko jaiak, eta goizean segida izan dute. Eguraldiak gehiegi lagundu ez badu ere, hainbat gaztetxo gerturatu dira Kulkik prestatu dituen jolasetara. Euskal Herrian errotutako jolasak ziren, guztira 12, eta guztiak antzararen jokoan islatuta. Behin haurrak dadoa bota eta zegokion jokora bideratuko zuen dadoak. Honela, tokan, fardotan, zankotan, koxkor biltzen... eta beste hainbat joko ezberdinetan aritu dira auzoko gaztetxoak.
Bitartean, Larramendi kaleko arkupeetan sortzaileek euren postuak atondu dituzte, erosleen erakargarri izanik. Xaboiak, arropak, bitxiak... postuz postu erosteko aukera egon da goizean zehar.
Bihar arte oraindik bada aukera Larramendiko jaietan murgiltzeko:
LARUNBATA
- 10:00. Diana dultzaineroekin.
- 11:00-13:00. Kulkiren haur jolas parkea.
- 14:00. Bazkaria. Paella jatea eta barrikotea.
- 16:30. Mus txapelketa Plan B tabernan.
- 17:00-19:00. Kontzertua Andoni Ollokiegirekin.
- 19:00-21:00. DJ Iver.
- 23:00. DJ Iver.
IGANDEA
- 10:00. Txistulariak.
- 11:00. Aldi bereko xake partidak.
- 11:00. Patata tortilla lehiaketa.
- 14:00. Bazkaria eta barrikotea.
- 16:30-18:30. Erromeria Joxe Mendizabalekin.