Final-zortzirenetan kantatu zuten eskualdeko hiru bertsolariak –Unai Mendizabal, Iñigo Gorostarzu Etxorde eta Beñat Iguaran– igaro dira final laurdenetara, eta Oihana Iguaran batuko zaie orain, 2019ko finalistetako bat. Horietako bik, Iguaranek eta Gorostarzuk, igande honetan kantatuko dute Errenterian. Mendizabal Azkoitian ariko da, urriaren 26an, eta Iguaran, berriz, Irunen, hilaren 27an.
Gaur, txapelketako entrenamendu saioa egingo dute Tolosako Antxon Bandres Bidaiarien Txokoan, 18:30ean hasita. Igotz Alkorta izango da saioko gai-jartzailea.