Tolosako Targazki taldeak sustatuta, Euskal Herriko Argazki Taldeen Federazioak antolatzen duen Argizaiola Argazki Lehiaketako lan onenen erakusketa ikusgai dago Tolosako Aranburu Jauregiko beheko solairuan, urriaren 26ra bitarte. Ohiko ordutegian bisitatu daiteke erakusketa, hau da, asteartetik larunbatera, 17:30etik 20:30era.
Urteko euskal argazkilari onenen lanak biltzen ditu jaialdiak. Erakusketan, berriz, 43. edizioan saritu dituzten lanak eta parte hartzaileek hautatutako beste zenbait argazki ikusteko aukera dago. «Lanek gure kultura eta paisaien esentzia dituzte oinarri», adierazi dute Targazkitik.