XXXVI. Eskola Mendiko Finalistaren eguna antolatu du Alpino Uzturrek, Gipuzkoako Mendizale Federazioak lagunduta. Urriaren 27an izango da, eta ibilbidea Zerkausian hasiko da, 9:30ean.
Bertan, Gipuzkoa osoko ikastetxeetako 6 eta 16 urte bitarteko gazteek eman ahalko dute izena, eta horretarako azken eguna hilaren 24a izango dute. Antolatzaileei datuak jakinarazi beharko zaizkie, 747 456 014 zebakira deituta edo info@alpinouzturre.eus helbidera idatzita. Antolatzaileek gaineratu dutenez, gurasoek ibilbidea bere seme-alabekin batera egin ahal izango dute. Ibilbidea amaitzean parte hartzaile bakoitzak opari bana izango du.
Ibilbidean zehar ez dira hornidura puntuak izango. Hortaz, parte hartzaile bakoitzak bere hamaiketako eman beharko du. Horrez gain, ibilbidean zehar jarritako seinaleak errespetatzea derrigorrezkoa izango dela gogorarazi dute, eta hori txukun mantentzea eskatu dute, «mendia denon gozamenerako inguru paregabea baita».