Realak eta Nahia Apariciok akordioa lortu dute tolosarraren kontratua 2027ko denboraldira arte luzatzeko. Joseba Ibarburu presidenteordearekin, Alex Uranga kontseilariarekin, Maite Azkoaga kontseilariarekin eta Garbiñe Etxeberria kirol zuzendariarekin batera, Reale Arena estadioan sinatu dute klubarekiko lotura berria.
Tolosako atzelari gazteak duela bi denboraldi egin zuen debuta maila gorenean, eta joan den ikasturtean egindako denboraldi handiaren ostean, Realak pauso bat eman du bere harrobiaren aldeko apustua berriro eginez. «Apari, bere ametsetako klubean, ilusioz eta helburuak betetzen jarraitzeko gogoz agertu da», azaldu dute talde txuri-urdinetik.
