«Tolosa udalerri euskalduna da, euskara ohiko hizkuntza da gure kaleetan, eta ikastolan euskararekin eta euskaraz egiten dugu lan, baina, badakigu ikastolaren lana ez dela nahikoa. Faktore askok eragiten dute gure haurren hizkuntza ohituretan, eta nabarmena da familien eragina ere. Guztioi dagokigun lana da, baita euskaraz ez dakiten familiei ere. Gure haurren hizkuntza ohituretan nola eragin hausnartzea eta gure egunerokorako laguntza eta estrategia praktikoak eskaintzea izango da saioaren helburua», adierazi dute Laskoraindik.
Laskorain ikastolak, Tolosako Udalak eta UEMAk –Udalerri Euskaldunen Mankomunitateak– euskaraz ez dakiten familiei zuzendutako Ez dakit euskaraz. Nola lagundu diezaieket nire seme-alabei? saioa antolatu dute. Urriaren 16an izango da, 17:15ean, Sakramentinoetan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!