Atxilotutako gizonak Tolosako Rondilla-Belate auzoko lokal batean egin zuen lapurreta eta ihes egiten ari zela atzeman zuten. Ertzaintzak esan duenez ileorde morea zuen gizon bat sartu zela lokalean jakinarazi zieten. Ertzainek eraikina aztertu zuten eta gizonezkoa une horretan saiatu zen ihes egiten, baina harrapatu egin zuten. Gizonari, besteak beste, Gabonetako loteriaren hogeita hamar bat dezimo, iPad batzuk, 480 euro inguru, bihurkinak eta labana bat aurkitu zizkioten. Lokal barrua hankaz gora zegoen, eta langileen armairuak eta kutxa erregistratzaileak behartuta zeuden.
Antzeko egitateengatik aurrekariak dituen 30 urteko gizona da atxilotutakoa eta polizia-egoitzara eraman zuten zegozkion polizia-eginbideak betetzeko. Azaldutako egitateen aurrean, agintari judizialak behin-behineko espetxeratzea agindu zuen Martuteneko espetxean.
Segurtasun Sailak jakinarazi du Ertzaintzak gizon bat atxilotu zuela asteartean, Tolosako ostalaritza establezimendu batean indarra erabiliz lapurreta egitea leporatuta.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!