Ertzaintzak esan duenez, atxilotutako gizonak sexu askatasunaren kontrako delituak egin dituela azken hilabeteetan. Ertzaintzaren arabera, gizona kalean emakumeei, kasu batzuetan adingabekoei, ustekabean hurbiltzen zitzaien, eta sexu-ukituak egiten zizkien edo haien aurrean masturbatzen hasten zen, eta, ondoren, ihes egiten zuen. Hainbat salaketa jaso ondoren, azkena joan den irailean, hasi zuten ikerketa eta horrela identifikatu ahal izan dute 18 urteko gaztea. Beharrezko egiaztapenak egin ondoren, atzo atxilotu zuten, eta, polizia-egoitzan zegozkion eginbideak amaitu ondoren, aske utzi zuten. Agintari judizialaren aurrera agertu zain dago.
Gizonezko bat atxilotu dute Tolosan sexu-askatasunaren aurkako ustezko delituak egotzita
Segurtasun sailak jakinarazi du Ertzaintzak 18 urteko gazte bat atxilotu zuela atzo, Tolosan, bide publikoan masturbatzea eta emakumeei, kasu batzuetan adingabekoei, sexu-ukituak egitea leporatuta.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!