Desfileko lehen lerroan telebistaren eta sare sozialen arloko pertsona ezagunak egon ziren eta Tolosako saltokiek duten eskaintza zabala bertatik bertara ezagutzeko aukera izan zuten. Ostiralean bertan gainera, arropa konbinazio guztiak jasotzen dituen liburuxka argitaratu zuten Interneten eta bertan zehazten da zein dendatakoa den jantzi eta osagarri bakoitza. Horrez gain, liburuxkan Gogoko zerbitzuaren harremanetarako telefono zenbakia dago, nahi izanez gero desfilean ikusi eta gustatutako jantziak eskatu ahal izateko.
Ostiraleko hitzorduaren helburua bertako merkataritzari balioa ematea izan zen eta ikusaraztea posible dela azken joeren arabera janztea bertako dendetatik ere.