Gizonezkoen saskibaloiko 3. FEB mailako Euskal Koparen azken fasea jokatuko da asteburuan Durangon, Landako kiroldegian. Lau talde iritsi dira azken fase horretara eta horietako bat da Redline Mekanika TAKE. Sailkapen fasean lehen postuan geratu ostean jokatuko du talde tolosarrak kopa lortzeko azken fasea.
Bihar finalerdiak izango dira, eta lehenengo partidan jokatuko du Redline Mekanika TAKEk. 17:00etan hasiko da neurketa eta aurrean Mondragon Unibertsitatea izango du. Ondoren, 19:00etan, Fundacion Bilbao Basket eta Baskonia arteko finalerdia izango da jokoan. Bi irabazleek elkarren artean jokatuko dute finala, igandean, 18:00etan hasita.