Asteburuan trialeko Europako Txapelketa izan da jokoan Jeumonten (Frantzia) eta bertan aritu da Irene Caminos tolosarra. Zazpigarren postua lortu du Caminosek, 230 puntu lortuz, baina ez da nahikoa izan finalera pasatzen ziren lehen sei postuetan sartzeko. Lehenengo zatian 0 batekin hasi zen tolosarra eta horrek ez zion lagundu azken emaitza hobeago bat lortzen. Halere, gustura azaldu da beste zatietan egindako lanarekin.
Caminosek aurten emango dio amaiera bere kirol ibilbideari, eta horren harira, ikuskizun bat antolatu du urriaren 12rako Tolosako Euskal Herria plazan.