42 modelo eta herriko 42 dendetako elementuak erabilita, 66 konbinazio baino gehiago bilduko ditu udazken-neguko modaren desfileak. «Tokiko merkataritza balioan jarri nahi dugu, lehen markako jantziak eta azken joerak bertako saltokietan aurkitzea posible dela ikusaraziz», esan dute antolatzaileek.
Gainera, moda eta telebista munduko pertsona ezagun ugari izango dira bertan, luxuzko lehen ilaran: Laura Chamorro, Asun Domingez, Iratxe Gaztelu, Janire Iraola eta Iker Alvarez, besteak beste. Eszenan, berriz, Mattin Zeberio artista tolosarra izango da. «Tolosa modaren epizentroa izango da Euskal Herrian, arratsalde batez».