Rondilla kalea eta San Frantzisko pasealekua oinezkoentzako gune izan dira gaurkoan ere. Izan ere, Mugikortasun Astearen barruan, Erdigunea autorik gabe egitasmoa ospatu dute Tolosan. Hortaz, gaurkoen ere ez da trafikorik izango bi kale horietan, espazioa oinezkoentzat berreskuratzeko.
Egitasmoa, ordea, ez da trafikoa etetera bakarrik mugatu, eta kirol eta kultur jarduera ugariz gozatzeko aukera izango da egun osoan zehar. Esaterako, goizean saskibaloian jokatzeko kantxak eta bizikletan edo patinekin trebetasuna lantzeko zirkuituak izan dira San Frantzisko pasealekuan, eta herritarrek arratsaldean ere izango dute horretarako aukera. Rondilla kalean, berriz, GU taldearen kontzertua izan da.
Arratsaldean, gainera, Intujai taldearen eskutik, Kamishibai ipuin kontalariak kalez kale ibiliko dira.
