Interpretatzeko eta idazkerarako norberak duen ikuspuntua aldarrikatzen du, eta igandeko saioan influentzia ugari uztartuko ditu. Artista eta talde askorentzat egin izan ditu konposizioak eta moldaketak, besteak beste, Et Incarnatus orkestrarako.
Inbasioak izeneko bere bakarkako bigarren diskoan, hainbat musikarirekin batera, lan oparo, zorrotz eta anbiziotsua sinatu zuen. 2023ko udaberrian grabatu zuen, eta orain, taula gainean, kantagintza eta poesiari lehentasuna emanez, bakarka aurkezten ditu abesti berriak. «Amets batek irudimena bizikide egiten duen gisara, Lambertek atmosfera elegante eta epiko bat josten du», esan dute antolatzaileek.