Udalak jakinarazi duenez, Berdura plaza inguruan dagoen eraikin bateko teilatuaren egurrezko zati txiki batzuk erori dira kalera eta ondorioz ingurua hesituko dute. Korreo eta Leitza kaleei eragingo die itxiturak, eta ibilgailuek ezingo dute bertatik igaro, konpondu bitarte. Ondorioz, Korreo kaleko sarbidea itxi egingo dute, Gaztelako Arkutik.
Udaletik esan dutenez, ez da kalteturik izan. Suhiltzaileak bertan daude segurtasuna bermatzeko; berehala gerturatu dira suhiltzaileak eta Udaltzaingoa, ingurua itxi eta segurtasuna bermatzeko neurriak hartzera, baita udaleko hirigintza teknikariak ere, ikuskapena egitera.