Bost egunetako lehiaren ondoren, larunbatean jokatu ziren XIV. Boleibol Txapelketako azken partidak. Aurtengo irabazlea Agirre estankoa izan zen, eta beste finalista eta bigarren postuan geratu zena Garia taldea izan zen. Hirugarren postua Illargik lortu zuen eta laugarrena Baserri izan zen.
Tolobolei kluba da antolatzailea eta bertako kideek txapelketaren balantze ona egin dute: «Eguraldiak ez zuen lagundu lehen bi egunetan, baina orokorrean giro ona izan da eta jende ugari elkartu da Larramendi plazan».