Donostia Arraun Lagunak ontziak lehen postuan sendo jarraitzen du, orain arteko estropada guztiak irabazita. Orio dago bigarren eta bi puntu gutxiago dituzte Tolosaldeak eta Donostiarrak, 52 punturekin baitaude berdinduta.
Getxon izan dira gaur eta Tolosaldeak bosgarren egin du, 11 minutu eta bost segundoko denborarekin. Estropadaren hasieratik geratu dira atzean, gaurko estropadako irabazle izan diren Arraun Lagunetik 28 segundora. Gauzak honela, bihar XIII. Euskotren Bandera izango dute jokoan 11:25etan, Lekeition.