Finalerdi guztiak jokatu ondoren, Berazubiko 56. Pala Txapelketaren finalak jokatuko dituzten finalistak zehaztuta geratu dira. Asteartean, hilak 30, jokatuko dira hiru finalak, Berazubiko frontoian, 18:00etatik aurrera.
Lehen partidan, gizonezkoen bigarren mailako finala jokatuko da, Iraola-Viana eta Lopez de Muniain-Ponce bikoteen artean. Bigaren finalean, emakumezkoen mailan, Lopez-Balerdi eta Larrarte-Larrarte bikoteak izango dira protagonistak. Hirugarren partidan, gizonezkoen lehen mailako finala jokatuko da, Loidi-Loidi eta Aldazabal-Arregi bikoteen artean.