Igarondo Urpekoak hegats igeriketa taldeko bi kide izan dira master mailako Munduko Txapelketan, eta hiru domina lortu dituzte bi tolosarren artean. Patxi Mongek bi domina lortu ditu, zilarrezkoa eta brontzezkoa, eta Gregorio Manzisidorrek domina bat, zilarrezkoa. Belgradon egin da txapelketa eta 25 selekziotako 150 igerilari elkartu dira bertan.
Aurtengoan bi igerilariek +50 kategorian lehiatu dute. Monge abiadurako probetan oso ondo aritu da, eta 50 metro apnean zilarra lortu du eta brontzea 50 ur gainekoan. «Aurkariak ikusita eta lesio batetik zetorrela kontuan hartuta, emaitza paregabeak dira», azaldu dute klubetik. Manzisidorrek 400 metro ur gainekoan ezustekoa eman du eta zilarra lortu du, 50 metro ur gainekoan 5. postu polit batekin errematatuz Munduko Txapelketa.
Esperientzia «oso polita» izan da tolosarrentzat «bai kirol emaitzengatik eta beste herrialdeetako kirolariekin bizi izandako esperientziagatik. Mundiala izan da», azaldu dute Igarondo Urpekoak taldetik.
Hiru domina hegats igeriketako Munduko Master Txapelketan
Igarondo Urpekoak taldeko Patxi Mongek bi domina lortu ditu eta Gregorio Manzisidorrek eskuratu du bestea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!