Sanferminetako bosgarren entzierroa orain arteko azkarrena izan da. Domingo Hernandez ganadutegiaren estreinaldia izan da, eta haren sei zezenek oso azkar osatu dituzte 800 metroak. Abiadaren ondorioz, erorketa ugari izan dira ibilbide osoan. Nafarroako Ospitale Guneak emandako lehen datuen arabera, zazpi pertsona ospitaleratu dituzte, kolpeen ondorioz. Horietatik hiru Mercaderes kalean diren osasun zerbitzuek artatu dituzte, eta horien artean dago 23 urteko tolosarra. Zauri arinak dituela esan dute.
Orain arteko entzierrorik azkarrena egin dute Domingo Hernandez ganadutegiko zezenek. Oraingoz, zazpi korrikalari ospitaleratu dituzte, kolpeen ondorioz, eta horietako bat tolosarra da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!