Astelehenean hasi ziren Amarotz Antzerki Astearen 26. edizioa, eta gaur amaitu da. Aste guztian zehar ikuskizun ugariz gozatzeko aukera izan dute auzotarrek, eta gaurkoan ere halaxe agurtu dute aurtengo edizioa.
Goizean, Bego Peñarada, Xabi Larrea eta Bea Larrañagaren Zirkogala izeneko kale ikuskizuna izan da, eta ondoren, Intujai Teatro taldearen Amaikoteka, amaitzeko (h)amaiketako diskoteka kale ikuskizuna. Haur zein heldu ugari gerturatu da, eta giro ederrean aritu dira dantzan eta jolasean.
Festetak azken eguna
Horrez gain, ostiralean hasi ziren Amarotz auzoko festak, eta hauek ere gaur amaituko dituzte. Gaurko ere egitarau betea prestatuta dute goizeko lehen ordutik eta iluntzera arte izango dute zertan gozatu:
- 16:00. Perurekin dantzaldia.
- 18:30. Toka txapelketa.
- 20:00. Sardina-jatea.
- 22:00. Su artifizialak eta sardinaren hileta.