Uztailak 20, larunbata, autobusa 06:30ean aterako da San Frantziskotik. Mendi txangoa (14 km.) Port de Bales mendatean (1.775 m.) hasiko dute, eta Mount Ne (2.147 m.) mendia igoko dute. Jarraian Lac de Borderes (1.765 m.) lakura jarraituko dute eta Peyresourde mendatean (1.569 m.) amaitu. Autobusez aterpetxera joango dira.
Uztailak 21, igandea, aterpetxetik autobusez Val Louron eski estaziora (1.450 m.) abiatuko dira. Bertan hasiko dute mendi txangoa (18 km.). Cap de Toudous mendi kaskoa (2.226 m.) igoko dute eta gero Col de Azet mendatea (1.580 m.) gurutzatuko dute. Ondoren, Tuc de Labatiedere mendia igo (1.743 m.) eta Graihen herrira (1.110 m.) joango dira mendi txangoa bertan bukatzeko.
Irteeraren prezioa 80 eurokoa da, eta horren barne sartzen da autobusez bidaia eta pentsio erdia aterpean. 14 lagunentzako dago tokia. Informazio gehiago jasotzeko eta izena emateko 3 aukera daude: Alpinouzturre.eus webgunean, info@alpinouzturre.eus emailera oharra bidaliz edota 747456014 zenbakira deituz.