Iaz maila bakarrean egin zuten txapelketa, eta aurtengoan Beotibar elkartekoek nahi izan dute bere pilotari gehienek parte hartu ahal izatea txapelketan, eta maila ezberdinetan antolatu dute. «Horrek ekarri du gure elkarteko pilotari gehiago izatea finaletan», esan du Andoni Lertxundi Beotibar elkarteko lehendakariordeak. Benjamin mailan topaketa bat egin dute, eta alebin, infantil eta jubenil mailetan txapelketa egin dute. «Txikiak gogoz datoz eta oso ondo pasatzen dute beraien artean jokatzen. Gaurko egunerako beste klub batzuetako pilotariak ekarri ditugu, Andoaingo Gazteleku elkartekoak eta Mutrikuko Danobat elkartekoak».
Xabat Altuna eta Unax Balda izan dira jubenil mailako irabazleak. «Denboraldi amaitzeko beti egiten dugu kluben arteko partida bat jokatzea eta polita atera da», esan dute. «Partidak jokatu ondoren, gero bazkaria egitera joaten gara. Denok oso ondo ematen gara. Partidan zehar tanto politak atera dira, eta gure artean ondo komunikatu gara».
Sailkapena
Benjaminak
- Izadi-Jone (Beotibar) 8 15 1
- Maialen-Jon (Andoain) 15 14 5
Alebinak
- Garai-Itzea (Andoain-Beotibar) 13 12
- Hodei-Mattin (Andoain-Beotibar) 15 15
Infantilak
- Oier-Artetz (Beotibar) 15 15
- Irati-Oinatz (Andoain-Beotibar) 14 9
Jubenilak
- Markel-Oinatz (Beotibar-Mutriku) 9 8
- Xabat-Unax (Beotibar) 15 15