Atzelari tolosar gazteak azaldu duenez, «oso pozik nago Baikorekin beste hiru urtez sinatzeagatik, eta eskertuta eman didaten konfiantzagatik». Eta azpimarratu duenez, «lanean jarraituko dugu hobetzen jarraitzeko eta garaipen gehiago lortzeko».
Binakako Serie B Txapelketa irabazi du aurten Martxel Iztuetak eta udan CaixaBank Mastersa jokatuko du. Tolosarrak larunbat honetan bertan estreinatuko du bere kontratu berritzea. Erratzun jokatuko du Urrutikoetxearekin batera Agirre eta Imazen aurka, 17:00etan hasiko den pilota jaialdian.