Tolosan 2019an egindako bortxaketak direla eta 5 urteko kartzela zigorra ezarri diote gizonezko bati, hala ere epaiketan biktima eta erasotzailea akordio batera iritsi dira eta 30.000 euroko kalte ordaina eman beharko dio erasotzaileak, eta sei urtez ezingo da harekin harremanetan jarri, ezta harengana hurbildu ere. Halaber, bost urtez zaintzapeko askatasun-egoeran egon beharko du behin espetxetik ateratakoan.
Zigortuak sare sozial baten bidez ezagutu zuen biktima eta lana eskaini zion. Errumaniatik Tolosara etorri zen eta behin baino gehiagotan bortxatu zuen. Erasoez gainera, hurrengo egunetan, biktimaren zaurgarritasunaz baliatu zen herrian zehar limosna eskatzera behartzeko. Bi aldiz saiatu zen biktima ihes egiten, lehenengoan ez zuen lortu, eta zeuden txabolara itzuli behar izan zuen. Bigarrengoan, baina, lortu zuen eta poliziarekin harremanetan jarri zen gertatutakoa kontatzeko.