Gaur goizean jokatu dute XLVI. Jose Maria Anza Oroimenezko proba eta azkarrena Alex Diaz (Caja Rural Alea) izan da. Podiuma osatuz, haren atzetik helmugaratu dira Pablo Carrascosa (Finisher) eta Ander Ganzabal (Laboral Kutxa) txirrindulariak.
Horrez gain, eskualdetik helmuga zeharkatzen lehena Iñaki Murua (Laboral Kutxa) altzotarra izan da; iaz, lasterketa irabazi zuen. Oriako Txirrindulari Eskolatik pasatako hamar txirrindularik hartu dute parte, eta horietan lehena izan da Murua.
Aipatutakoez gain, Caja Rural Aleak irabazi du taldekako saria; Aitor Agirrek jantzi du mendiko maillota; eta 23 urtez azpikoetan, Iñaki Trujillok du lidergoa, lasterketa bat jokatzeko faltan.