Vasconiak irabazi dio finalean Tolosa CF-ri

Ataria 2024ko eka. 11a, 13:03

Vasconia taldea izan zen txapelduna. TOLOSA CF

Urtzi Gurrutxagaren Oroimenezko futbol txapelketan Vasconiak 4-1 irabazi zion Tolosa CF-ri partida erabakigarrian.

Tolosa CF-k antolatuta, 9. Urtzi Gurrutxagaren Oroimenezkoa jokatu zen igandean Berazubi futbol zelaian. Alebin mailako mutilen hamabi taldek parte hartu zuten. Finalera Tolosa CF-ren taldeetako bat iritsi zen, baina ezin izan zuen garaipena lortu, Vasconiak eraman baitzuen garaikurra partida 4-1 irabazita.

Tolosa CF-k finalerdia Idiazabalen aurka jokatu zuen eta 1-0 irabazi. Vasconiak, berriz, finalerdian Realaren aurka bana berdindu zuen eta ondoren penaltietan lortu zuen finalerako txartela. Txapelketako hirugarren postua Realarentzat izan zen, Idiazabali 8-0 irabazi eta gero.

Goizean jokatu zen multzokako fasea, eta azken lau postuetan geratu ziren taldeek kopa jokatu zuten. Lehiaketa horretan Billabonak eraman zuen garaikurra, finalean Tolosana taldearekin (Tolosa CF klubeko taldeetako bat) berdindu eta penaltietan irabazi ostean.

Tolosa CF geratu zen bigarren txapelketan. TOLOSA CF

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!