Urtzi Gurrutxaga oroitu eta omentzeko futbol torneoa ari dira jokatzen Berazubiko zelaian. Bederatzigarren aldiz antolatu du Tolosa CF klubak txapelketa, eta bertan alebin mailako mutilen 12 taldek parte hartuko dute, horietatik bost eskualdekoak: Billabona, Intxurre, Tolosa CF izenarekin aterako dena, eta besteak Urdina Txiki eta Tolosana izenekin. Beste taldeak ondorengoak dira: Lazkao, Beasain, Martutene, Vasconia, Zarautz, Idiazabal eta Reala.
Lehen fasea jokatu dute goizean zehar, eta arratsaldean, berriz, bigarren faseari ekingo diote. Eguraldia lagun ez izan arren, pozik agertu dira antolatzaileak: «Poza ematen du jendetza ikustea, azkenean, adin honetan etxekoen babesa izaten dute eta ez da hain zaila izaten harmailak beteta ikustea».
LEHEN FASEKO SAILKAPENAK
A taldea
- Reala
- Beasain
- Tolosana
- Billabona
B taldea
- Vasconia
- Idiazabal
- Urdiña Txiki
- Martutene
C taldea
- Tolosa CF
- Intxurre
- Zarautz
- Lazkao