Alebin mailako mutilen hamabi futbol talde ariko dira lehian, aurtengoan bederatzigarren aldia izango duen txapelketan. Tolosa CF-ko hiru talde ariko dira parte hartzen, Tolosa CF, Urdina Txiki eta Tolosana izenekin. Horiez gain, eskualdeko Billabona eta Intxurre taldeak ariko dira. Beste taldeak ondorengoak izango dira: Reala, Beasain, Lazkao, Martutene, Vasconia, Zarautz eta Idiazabal. Hiru multzo egingo dira, bakoitzean lau talderekin.
Goiz eta arratsaldez jokatuko da txapelketa. Lehen partida 10:00etan hasiko da eta talde bakoitzak hiru partida jokatuko ditu multzokako fasean. Arratsaldean, 15:00etan hasita, txapelketaren final-laurdenak, finalerdiak eta finala jokatuko dira. Multzokako fasean azken lau postuetan geratzen direnak Kopa jokatuko dute euren artean. Berazubiko taberna irekita egongo da, eta pintxoak salgai izango dituzte.
Tolosa CF klubak antolatzen duen Urtzi Gurrutxagaren Oroimenezko Txapelketa izango da jokoan igande honetan, Berazubiko futbol zelaian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!