Azken egunetako euriteen ondorioz lokatza izan zuten bidelagun mendizaleek, baina horrek ez zien zapuztu goiz-pasa, eta goizean goiz Artubi eta Balerdi mendiek argazki eder bat erakutsi zuten. Artubi elkarteak antolatzen du martxa, eta aurten parte hartzaileek «maila ona» erakutsi dutela azaldu dute: «14:00etako denek amaitua zuten, bai luzekoek eta bai motzekoek». Bide batez, antolatzaileek parte hartzaile guztiak zoriondu nahi izan dituzte, «beste behin ere mendiaz eta inguruaz gozatu, ezagutu eta bertakoekin hartu emanean erakutsi duten jarrera bikainarengatik». Antolakuntzan, laguntzaile izan dituzte Abaetxe jatetxea, Bedaioko gaztagileak, Arantxa frutak, Okela, Benta Aldea, Itsasi, Eroski eta Insalus.