Tolosako Gazte Asanbladako kideek esan dute arrazoi asko daudela Gazte Eguna ospatzeko. Aipatu dute batetik, lan edo ikasten zein bietan jarduten duten gazteek aisialdirako geroz eta muga handiagoak dituztela, eta askotan ordaindu egin behar izaten dituztela aisialdi eta kirol eskaintza horietarako sarbideak, «kontutan izanik gainera geroz eta garestiagoak direla zerbitzu horiek. Beraz, egoera horren aurrean gazte langileok gazte eguna antolatu dugu, problematika horri aurre egin ahal izateko». Bestetik, Gazte Eguna konpromiso eta antolakuntza oinarri dituen eguna izango dela esan dute. «Tolosako Gazte Asanblada instituzio eta zerbitzu pribatuetatik at dauden egitasmo eta egitarau ezberdinak antolatzen aritu da ikasturtean zehar, eta Gazte Eguna ere horietako beste bat izango da».
Egitaraua
Ekainak 8, larunbata
- 10:00. Boleibol txapelketa.
- 14:00. Bazkaria. Ondoren, tribial jolasa.
- 17:30. Bakarlarien emanaldia: Asier K, Manex Astigarraga eta Lide Arregi.
- 19:30. Kontzertuak: BassAgain, Arrixku taldea eta azkenik, Olgetan Erromeria.