Igande honetan, ekainak 2, egingo da zikloturistentzako IX. Abraham Olano Martxa. 11 tontor igoko dituzte parte hartzaileek 133 kilometroko ibilbide luzean (3.519 metroko metatutako desnibela), eta aukera dago ere 90 kilometroko ibilbide motza egiteko.
08:30ean abiatuko da proba Usabal kiroldegiaren ondotik, eta izena emateko Kirolprobak.com helbidean egin behar da. Igandeko 08:00etan bukatuko da horretarako epea.
Oriako Txirrindulari Eskolak antolatzen du zikloturista martxa, eta bertan parte hartuko dute Abraham Olano berak eta eskualdeko zenbait txirrindularik, tartean Unai Iribar, Unai Zubeldia eta Naia Amondarainek.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?