Iazko udaran, etapa berri bati ekin zioten, eta jatetxe zerbitzua ere eskaintzen du gaur egun; besteak beste, gosari bereziak ematen dituzte. Baina eskaintza ez da eguneko lehen otordura mugatzen. «Tradizioa eta berrikuntza uztartzen dituen sukaldaritzan oinarritzen gara».
Urtaro bakoitzean karta berria osatzen dute, eta hala egin dute udaberrian ere. Hilabete hasieran jarri zuten martxan, eta abuztura bitarte egongo da eskuragarri. Aurretik zuten kartarekin alderatuta, eskaintza erdia aldatu dute, garaiko produktuei eta errezeta bereziei lekua egiteko. Esate baterako, hiru entsalada berri dituzte. Arraia eta haragia protagonista dituzten dozena bat plater nagusi ere badituzte; horietatik lauzpabost berriak dira. «Azpimarratzekoa da Kantauri Itsasoko produktuen kalitatea. Besteak beste, tamaina txikiko begihandiak lortu ditugu. Bakailaoa ere izar nagusietako bat da, eta kasu honetan, piperrez egindako emultsio batekin, tipula kurruskariarekin eta erremolatxa hautsarekin zerbitzatzen dugu. Okelen artean, tenperatura baxuan kozinatutako txerrikumea nabarmendu behar da».
Otorduak aho zapore gozoarekin amaitzeko, askotariko azkenburukoak dituzte kartan. «Ohikoak edo tradizionalak diren postreez gain, hala nola, txokolatezko souffle-a edo gazta tarta, berritzaileak ere baditugu». Udarara begira, mojito sorbetea, txokolate zurizko mousse-a cavazko gelatinarekin edo kremazko bonbak egiten hasi dira.
Postreetan ere badute errezeta berezi bat: frijitutako izozkia. «Zereal berezi batekin estali eta oliotan 20 segundoz frijituta egiten dugu. Ondoren, karameluzko saskitxo baten gainean eta pistatxozko krema batez eta jarabe gozo batez lagunduta aurkezten dugu. Jaki beroa eta hotza da, aldi berean, ahosabaian kontraste berezia bezain gustagarria sortzen duena».
Tolosako eskaintza gastronomikoaren barruan, kalitatearen eta prezioaren arteko orekan, nabarmendu beharreko jatetxea da. «Orain, bezeroek emandako erantzun bikainaren eraginez, indarberrituta gaude, ahosabai berriak konkistatzeko».
- Helbidea. San Joan kalea 2 (Tolosa)
- Ordutegia. Egunero zabalik (07:30-00:00)
- Telefono zenbakia. 695 30 44 41
- E-posta. info@alondegia.com
- Webgunea. alondegia.com (bertan egin daitezke erreserbak)
- Instagram. @alondegia_tolosa