Jea Jeaka Kultur Elkarteak antolatuta, maiatzaren 31n izango da, eta Danel Etxeberria eta Andoni Egaña ariko dira bertsotan; afarirako txartelak salgai daude 35 eurotan.
Tolofolk jaialdia antolatzen duen Jea Jeaka Kultur Elkarteak bertso afaria antolatu du maiatzaren 31rako, ostirala. Danel Etxeberria tolosarra eta Andoni Egaña zarauztarra ariko dira bertsotan. «Beteranotasuna eta gaztetasuna elkartuko ditugu, desafio kutsuko bertso afari honetan», azaldu dute antolatzaileek. Izan ere, kirol apustu ugari adostu izan diren Tolosako Kantabriko tabernan izango da ekitaldia.
Afarirako txartelak salgai daude, Kantabrikon bertan, 35 eurotan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!