Igarondo Urpekoak taldea da antolatzailea eta azaldu duenez, «bost erkidegotik –Katalunia, Gaztela, Aragoi, Nafarroa eta Euskadi– etorritako 12 -15 urte bitarteko 180 gaztek Roberto omenduko dute, ahal den era onenean, igeri egiten».
Roberto Jauregi hegats igeriketa Tolosara ekarri zuen entrenatzailea izan zen eta «edozein kirolariri laguntzeko prest zegoelako ezagutzen dute tolosar askok eta askok», zehaztu dute antolatzaileek. Txapelketa 10:00etan hasiko da goizean eta 16:00etan arratsaldean. 50 metrotik hasita eta 400 metro arteko probak gauzatuko dira, eta antolatzaileek ikusleentzat oso formatu ikusgarria izango dela pentsatzen dute. Igarondo Urpekoak taldeko 5 igerilariek parte hartuko dute, eta beraientzat esperientzia polita izatea espero dutela gaineratu dute klubetik.
Igarondo Urpekoak taldeak Tolosako Udalari, eta Cartonajes Limousin eta Copytec babesleei eskerrak eman dizkiete eskainitako laguntzagatik.