Urtero moduan, gaia librea izango da eta nahi duenak eman dezake izena, tolosarra izan edo ez. Oinarriak Targazkiren webgunean aurkitu ahal izango dira. Ekainaren 15ean izango da sari banaketa, Tolosako Kultur Etxeko areto nagusian. Sailkapen hobena lortutako lehen hiru euskaldunek, Argizaiolarako kredentzialak lortuko dituzte. Aldi berean, hoberen puntuatuko argazkien erakusketa Tolosa&Co dendetako erakusleihoetan izango dira ikusgai.
Aurtengo edizioan, aurrekoetan bezala, ahalegin berezia egin nahi izan dute tolosarren parte hartzea areagotzeko. Hortaz, adin nagusikoez gain, tolosar gazteen atalarekin jarraituko dute. Sail horretan ere sariak izango dira, domina edota 100 euroko erosketa bonua Tolosa&Co dendetan erabiltzeko.
Aurtengo ekitaldia jantziagoa egin nahi dutela adierazi dute antolatzaileek, "datozen herritar guztiei paregabeko momentua goza dezaten". Horregatik, eskualdeko argazkilari eta argazkizale guztiak lehiaketan parte hartzera gonbidatu nahi izan dituzte.