Mikel Juaristi kapitainak azaldu duenez, orain «lasaitasun puntu batekin» daude, denboraldia bukatu delako. «Bestalde, luze egin da, eta nahiz eta maila mantentzeko helburua ez dugun bete, duela hilabete inguru bagenekien aukera gutxi genituela eta barneratzen joan gara pixkana». Erakutsi duten joko maila ez da gero emaitzetan islatu, eta horrek arantzatxo bat utzi die tolosarrei. Datorren denboraldian Laskorainen aldaketa handiak izango dira, Ibai Valverde entrenatzaileak taldea utziko duelako, eta hiru edo lau jokalari beteranok ere bai, tartean Mikel Juaristi berak.