Doluari buruzko formakuntza saioa egingo dute

Tolosaldeko Ataria 2024ko mai. 15a, 13:54

Tolosako Inmakulada Lanbide Ikastola Integratuan izango da, maiatzaren 22an, asteazkena, 16:30etik 19:00etara; Iñaki Peñak gidatuko du saioa.

Buru Bihotzez elkarteak, Tolosako Udalak eta Tolosako Inmakulada Lanbide Ikastola Integratuak elkarlanean antolatuta, doluari buruzko formakuntza tailerra antolatu dute maiatzaren 22an, asteazkena. 16:30ean hasiko da saioa eta bi ordu eta erdi irautea aurreikusten dute; Iñaki Peña izango da formatzailea. Antolatzaileek zaintza zerbitzua eskainiko dute alzheimerra duten pertsonentzat.

«Dolua galera guztien aurrean dugun erantzun naturala da. Bizitzan zehar ditugun galera horien inguruan hitz egingo dugu –gaztetasunaren galera, funtzionaltasunen galera...–, eta noski azken doluaz, heriotzaz. Norberak doluak nola bizi dituen, eta inguruan maite ditugun pertsonak dolua nola bizi duten izango dugu hizpide», azaldu du Peñak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!