Bihar ospatuko dute Tolosako Bedaio auzoan Harri jaia. Egitaraua 12:00etan hasiko dute, mezarekin eta prozesioarekin. Elizan bertan bertso saioa egingo dute Bixente Gorostidik eta Unai Muñoak eta, jarraian, Abaetxe jatetxean izango da erretiratuentzako bazkaria.
Bazkalostean ere beste bertso saio bat egingo dute; baina, oraingoan, bertso zaharrak ere tartekatuko dituzte gonbidatuek ere abestu ditzaten. Jaia borobiltzeko, berriz, Artubi elkartean afalduko dute.