Itaiak salatu duenez, indarkeria matxista aurrekariak zituen gizonezko batek bere emaztea erail du Donibane Lohizuneko hotel batean. Emakume langileon aurkako erasoak etengabe gauzatzen direla diote Itaiatik, "gure zaurgarritasun egoera baliatuz. Hauek ordea, ez dira gertakari isolatuak, emakumeok zapalduta mantentzen gaituen gizarte baten adierazpen muturrenekoak baizik".
Indarkeria matxista gainditzeko beharrezkoa ikusten dute "antolakuntza politiko independientea indartzea eta norma kultural matxista borrokatuko duen jarduna lehen lerroan jartzea". Hortaz, antolakuntzara batzeko deia luzatu diete eskualdeko emakumeei. "Indarkeria matxistarekin amaitzeko antolatu! Gora emakume langileon borroka!".