Hormigoi puskak erori ziren pasa den astean, A-1 autobidearen zubitik Zumardiaundira, eta segurtasuna bermatzeko errepide azpitik igarotzen diren bideak itxi egin zituzten oinezko eta bizikletentzat. Tolosako Udalak jakinarazi duenez, foru aldundiko teknikariek egin dituzte egin beharreko ikuskapenak, eta arriskurik ez dagoela ziurtatu dute. Ondorioz, itxitako eremua berriz ireki du udalak.
Bestalde, astelehenean ibilgailuak ezingo dira Tolosako Nafar Zubitik pasa, izan ere, zubiaren ikuskapen lanak egingo dituzte. Oinezkoek aldiz pasa ahal izango dute. 08:00etatik aurrera egongo da itxita, eta lanak arratsaldera arte luzatzea aurreikusten dutela esan du udalak.