Espainiako Batel Txapelketa izan da jokoan asteburuan Galiziako A Pobra do Caramiñal herrian. bertan TAK klubeko jubenil neskak izan dira lehian eta bosgarren postua lortu dute. Larunbatean jokatu zuten kanporaketa eta bere txandan lehen postua lortu zuten, 9.58ko denborarekin, final nagusira edo A finalera sailkatuz.
Igandean jokatu zuten finala, eta bosgarren kaletik lehiatu ziren. Ez zen kalerik onena izan estropada horretarako, eta bosgarren postuarekin konformatu behar izan zuten, 10.03ko denbora eginez. Laugarren postua gertu izan zuten, La Planchadakoek 10.02ko denboran bukatu zutelako.