Gomazko paletako banakako txapelak jantzi dituzte, berriz ere, Tolosako Beotibar klubeko Odei Arregik eta Mikel Goitiak Ezker Hormako Kluben Arteko Gipuzkoako Txapelketan.
Oraingoan kantxa osoan aritu dira lehian, eta Zarautzen jokatu dituzte finalak. Nagusien lehen mailakoa irabazi du Odei Arregik eta nagusien bigarren mailakoa Mikel Goitiak. Txapelketa berean irabazi duten bigarren txapela da haientzat; izan ere, otsailean jokatutako 7aren barruko lehia ere beraiek irabazi zuten.
Emaitzei dagokionez, Mikel Goitiak 25-14 irabazi zion Ospele elkarteko Iker Lizasori, eta Odei Arregik 25-19 irabazi zion Gazteleku elkarteko Julen Loidiri.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!