Jubenil neskek garaipena lortu dute Euskadiko Batel Txapelketan, A finalean Hernani, Hibaika eta Isuntzari irabazita. 2.000 metroko ibilbidea egiten 10.18,56ko denbora behar izan zuten TAKeko arraunlariek. Bigarren Hernani izan zen, 7,30era; hirugarren Hibaika 14,10era, eta laugarren Isuntza 23,26ra.
Klubeko beste hiru ontzi lehiatu dira Euskadiko Txapelketan, eta hirurek B finaletan parte hartu dute. Jubenil mailako mutilek bigarren denbora onena egin dute, Hibaikaren atzetik. Neska infantilek hirugarren postua lortu dute, B finaleko lehen sailkatua izan den Kaikutik segundo bat baino gutxiagora iritsiz. Kadete neskek bigarren denbora onena egin dute bere finalean, Ondarroaren atzetik.