Eusko Jaurlaritzako Osasun Batzordeko adierazpenei erantzuteko TOPAk agerraldia egin zuen otsailaren 29an Tolosako Zerkausian, eta bertan argi utzi zuten, «sailburuak aurkezpenean esan bezala, Tolosan egiteko asmoa dutena ez da eskualdeko ospitale publiko bat».
Uste dute Osasun Batzordetik proposatzen dutena «bigarren mailako kalitatea» duen zerbitzua dela, eta beste hainbat gai ere jarri zituzten mahai gainean: «Kokapen arazoak, oso leku txikia dela eta trafiko handia dago inguru horretan». Hortaz, larunbatean, Osasun Batzordeak proposatzen duen kokapenean, suhiltzaileen parkearen parean egingo dute elkarretaratzea, 11:00etan. Ondoren, osasun publikoaren aldeko mural pintaketa egingo dute, eta bitartean zer? lelopean.